صابلي بالبيض المسلوق بأحلى شكل وذوق - حراير الدار

صابلي بالبيض المسلوق  بأحلى شكل وذوق

أحبائنا في كل مكان أهلا وسهلا ومرحبا بكم.

نقدم لكم أحلى وأبن صابلي بالبيض المسلوق ، جربوه وتمتعوا بالطعم الحقيقي للبنة.

المقادير:

500 غ مرغرين طرية.

6 صفار بيض مسلوق.

كأس سكر.

2 كيس خميرة كميائية.

فنيليا.

فرينة.

مربى المشمش.

شكلاطة ذائبة للتزيين.

طريقة التحضير:

نخلط المرغرين الطرية مع السكر بالخلاط الكهربائي أو براحة اليد حتى يذوب السكر.

نضيف الصفار المسلوق ، الخميرة ، الفنيليا وننشف بالفرينة حتى نتحصل على عجينة سهلة الإستعمال.

نغطي العجينة ببلاستيك غذائي ونتركها ترتاح في الثلاجة لمدة نصف ساعة.

فوق سطح مرشوش بالفرينة نحل العجينة  ثم نطبعها بقوالب والشكل يكون إختياري.

ندخل حبات القاطو إلى فرن ساخن حتى تنضج ثم نخرجها.

نترك القاطو يبرد ثم نلصق كل حبتين مع بعض بمربى المشمش.

نزين القاطو بالشكلاطة الذائبة وبالصحة والعافية.

فضلا وليس أمرا أترك تعليق فرأيكم يهمنا.