مقروط النقاش

                                                           مقروط النقاش

سلام على كل الأحبة جبتلكم اليوم مقروط خفيف وبنين جربوه رايح يعجبكم بإذن الله.
المقادير:
الكيلة هي علبة المرغرين حجم 500غ 
3 كيلات سميد خشن (حرش) .
 كيلة فرينة .
 500غ مرغرين . كأس زيت .
 ملح .
علبة غرس .
 ماء الزهر .
 ماء دافئ .
 زيت للقلي.
طريقة التحضير :
في قصعة نضع السميد ، الفربنة ، الملح ، المرغرين الذائبة ، الزيت ونحك جيدا ثم نتركها ترتاح من الأحسن ليلة كاملة.
ننضف الغرس ونعجنه بالماء الممزوج بماء الزهر حتى يصبح طري ونلمه بالزيت ثم نعمله على شكل حرابيش.
نأخد القليل من السميد ونلمه بالماء الممزوج بماء الزهر حتى يتشكل لنا عجين يكون جاري نوعا ما ، نعمله على شكل حربوش نفتحه طوليا في الوسط ، ثم نضع الغرس ونغلق عليه جيدا .
نقص الحربوش مقروطات صغيرة ثم ننقشها بالنقاش .
نقلي المقروطات في زيت ساخن وغزير من الجانبين حتى نتحصل على لون ذهبي. 
عند التقديم نعسله في عسل ساخن ونزينه بالجلجلان.
                                                                 ألف صحة وعافية.