قريوش مظفور بطريقة جديدة للمناسبات السعيدة - حراير الدار

قريوش مظفور بطريقة جديدة للمناسبات السعيدة 

تحية معطرة بالحب والإحترام لكل متابعينا الكرام.

ما لاحظناه في الآونة الأخيرة هو العودة القوية للقريوش فوق مائدة القهوة ، في كل المناسبات وبأشكال مختلفة ورائعة.

هذه المرة نقدم لكم شكل جديد للقريوش نتمنا أن يعجبكم.

المقادير:

3 كيلات فرينة.

نصف كيلة نشاء.

نصف كيلة سمن ذايب وبارد.

صفال بيضة.

رشة ملح.

فانيليا.

ملعقة صغيرة خميرة كميائية.

ماء + ماء الزهر.

عسل وجلجلانية للتزيين.

طريقة التحضير:

نخلط الفرينة مع النشاء ، الملح ، الخميرة الكميائية والفنيليا.

نضيف السمن الذائب ونحك الخليط براحة اليد حتى يمتزج السمن مع الفرينة.

نضيف صفار البيضة ونخلط ثم نلم الخليط بالماء الممزوج بماء الزهر حتى نتحصل على عجينة سهلة الإستعمال.

نقسم العجينة إلى كرات ثم نغطيها ونتركها ترتاح.

نحل الكرة الأولى قليلا بالحلال ثم نرشها بالنشاء ونمررها في آلة العجين في الرقم 2 ثم 5 ثم 7.

نرش الشريط بالنشاء ونطويه على 3 بنفس طريقة العجينة المورقة.

نكرر نفس العملية عدة مرات حتى تتورق العجينة وهذا هو السر حتى يكون قريوش مورق ، خفيف ويذوب في الفم.

نقسم العجينة مستطيلات كبيرة .

ندخل المستطيل في آلة العجين جهة الرشة.

نلم خطوط العجينة من الرأس ونضغط عليهم جيدا ثم نقسمهم على 2 ونبدأ بالظفر حتى النهاية.

نغلق البداية مع النهاية ثم نسخن الزيت جيدا.

نخفظ الحرارة بحيث تكون متوسطة ونقلي قريوش بالحبة.

بمجرد وضع حبة القريوش في الزيت نصبه فوقها بالملعقة حتى لايتعجن.

نترك القريوش يقطر ويبرد ثم نعسله بعسل ساخن ونزينه بالجلجلانية وبالصحة والعافية.

لاتقرأ وترحل قبل أن تترك بصمتك.