شطيطحة بصدر الدجاج تنور الوجه

شطيطحة بصدر الدجاج

                          السلام عليكم ورحمة الله وبركاته
شطيطحة تاعنا اليوم سنحضرها بصدر الدجاج جربوها راهي بزاف بنييينة
المقادير:
صدر دجاج.
حبة بصل.
سنينات ثوم.
حبة طماطم.
ملح ، فلفل أسود ، فلفل عكري ، راس الحانوت ، قصبر ، زنجبيل.
دبشة ومعدنوس.
فرينة.
بيضة.
هريسة.
حبة ليمون.
طريقة التحضير:
نقلي صدر الدجاج في قليل من الزيت مع البصل والثوم المفرومين ، نضيف القليل من الملح والتوابل، الدبشة والمعدنوس ، ملعقة صغيرة فرينة ، ملعقة صغيرة هريسة ، الطماطم المرحية ، نقلي جيدا ونمرق بالماء الساخن.
لما ينضج الدجاج نخرجه ونتركه يبرد ثم نقصه قطع متوسطة.
نخفق البيضة ونضيف لها قليل من الملح والفلفل الأسود ، نصف ملعقة كبيرة هريسة ، ملعقتين كبيرتين فرينة ، وبهذا الخليط ندهن قطع الدجاج ونقليهم في الزيت حتى يأخدوا لون ذهبي ثم نعيدهم إلى الطنجرة وعندما يثقل المرق نصب فوقه عصرة ليمون ونطفئ.
تقدم الشطيطحة مع شرائح الليمون والمعدنوس المقطع.
                                                                     شهية طيبة للجميع