طبق مميز وعصري كباب بالصلصة هبااال

                   تميزوا بأطباقكم  كباب بالصلصة ينور الوجه

                                   أحلى سلام على الأحبة الكرام
طبقنا اليوم مميز جدا خاص بالعزائم المميزة أو في شهر رمضان الكريم وحتى إلي تحب تقلش روحها وعائلتها لما لا ! المهم جربوه ماتندموش عليه رايح ينورلكم وجوهكم وبصحتكم مسبقا.
المقادير:
250غ لحم مفروم.
قطع دجاج (الموجود عندك أنا إستعملت الظهر والرقبة)
حبة بصل .
2 سنينات ثوم. 
ملح ، فلفل أسود، رأس الحانوت ، كروية ، زنجبيل ، كركم.
ربطة صغيرة حشيش مشكل( دبشة كرافس معدنوس).
علبة فطر.
علبة كرام فراش.
5 قطع جبن مثلثات.
ملعقة كبيرة فرينة.
5 حبات بطاطا صغيرة (كلما كانت أصغر كان الشكل أجمل).
معدنوس مقطع. 
ملعقتين كبيرتين شابلير(خبز يابس).
صفار بيضة.
جبن مبشور.
زيت وزبدة.
طريقة التحضير:
نفرم حبة البصل وننزع منها ملعقة نتركها جانبا.
في طنجرة نضع ملعقة زبدة ونقلي البصل والثوم المفرومين ، نضيف قطع الدجاج ، الفطر ، قليل من الملح والتوابل ، الحشيش ، نقلي جيدا ونمرق بالماء الساخن.
نقطع البطاطا شرائح  رقيقة نملحها ونقليها  ثم نضعها فوق ورق مصاص ونتركها تبرد.
في صحن نضع اللحم المفروم ، ملعقة بصل ، الشابلير ، قليل من المعدنوس المقطع ، رشة ملح وفلفل أسود ، بياض بيضة ، ملعقة صغيرة زبدة طرية،ونعجن جيدا.

نأخد أعواد الشواء ونضع فيها شريحة بطاطا ثم شريحة سميكة من الكفتة (لأنها رايحة تتكمش) ونكمل كما هو موضح في الصورة. ونضعها في مول مدهون بالزبدة.

بعدما ينضج الدجاج نخرجه هو والحشيش، ثم نحل الفرينة في كأس حليب بارد ونفرغها في الطنجرة ، نضيف الكرام فراش ، جبن المثلثات ونحرك حتى تعقد الصلصة.
نفرغ الصلصة فوق الكباب وندخلها الفرن لحوالي نصف ساعة.

عند التقديم نرش فوقها جبن مبشور.
                                                            ألف صحة وعافية.