طريقة تحضير الفري كاسي في البيت

                                        فري كاسي إقتصادي وبنين

                        تحية معطرة بالحب والإحترام لكل الأحبة الكرام.
أحيانا أحبائي يبقالنا الغذاء نحبو نتركوه للعشاء ونزيدو معاه حاجة خفيفة ، نقترح عليكم هذه المقبلة خفيفة وبنينة والأهم إقتصادية ، وزيادة انو الفري كاسي نقدروا نحضروه ونديوه معانا للرحلات أنا نديرو لولادي كي نخرجهم يلعبوا في الحشيش في فصل الربيع او نهبطهم للبحر في فصل الصيف صدقوني يتمتعوا بيه بزاف خاصة زوجي.
المقادير:
بالنسبة للعجينة نحتاج إلى:
500 غ فرينة.
ملعقة كبيرة خميرة فورية.
ملعقة كبيرة سكر.
ملعقتين كبيرتين زيت.
حبة بيض .
نصف علبة يغورت طبيعي.
ملح.
ماء دافئ.
للحشو نحتاج إلى:
حبة بطاطا مقطعة مربعات صضيرة ومفورة .
حبة طماطم.
عود بصل أخضر.
حبتين بيض مسلوقتين.
زيتون أسود.
كاشير.
جبن أبيض.
ملح.
هريسة(إختيارية)
طريقة التحضير:
نأخد نصف كأس ماء دافئ نضع فيه الخميرة والسكر ونتركها تتفاعل.
في قصعة صغيرة نضع الفرينة وباقي المقادير ثم نفرغ الخميرة ونلم نزيد الماء الدافئ إذا إقتضى الأمر حتى نتحصل على عجينة تكون جارية شوية (مثل عجينة البيتزا) نعجنها قليلا ثم نرشها بالفرينة ونغطيها ببلاستيك غذائي ونتركها حتى يتضاعف حجمها.

نقطع مقادير الحشو مربعات صغيرة ونضحها في صحن كبير ونخلطها.

نسبط العجينة فوق سطح دائري ونقطعها دوائر الحجم حسب الرغبة.

نضع دوائر العجينة في صينية مرشوشة بالفرينة ونغطيها بالبلاستيك حتى يتضاعف حجمها ثم نقليها في زيت ساخن ، وبمجرد وضعها في المقلاة نصب فوقه الزيت حتى تنتفج.

نقص الفري كاسي بالمقص نصف دائرة ونملؤها بالحشو.

                                                                         بالهناء والشفاء