طريقة مبسطة لتحضيرقريوش السنبلة بالصور

                                        قريوش السنبلة

أصبحنا في الأونة الأخيرة نشاهد قريوش يتربع على موائد القهوة في كل المناسبات وبأشكال مختلفة تشهينا لأكله . اليوم إخترت لكم شكل السنبلة مع طريقة مبسطة وبالصور خطوة بخطوة .
المقادير:
500 غ فرينة.
125 غ مرغرين للتوريق.
ملح.
صفار بيضة.
ملعقة كبيرة خل.
نصف كيس خميرة كميائية.
نشاء .
ماء الزهر وماء.
عسل.
جلجلانية.
طريقة التحضير:
ننخل الفرينة ونقطع المرغرين قطع صغيرة ونحكها للفرينة حتى تذوب كليا ثم نضيف الملح ، صفار البيضة ، الخل ، الخميرة الكميائية ، ملعقتين كبيرتين نشاء ونلم بماء الزهر ممزوج بالماء حتى نتحصل على عجينة سهلة الإستعمال ، نتركها ترتاح في الثلاجة لمدة ساعة ثم نقسمها إلى 7 كريات.

نأخد الكرية الأولى نرش عليها قليل من النشاء ونحلها قليلا بالحلال ثم ندخلها آلة العجين في رقم 3 ثم 5 ثم 7.

نرش الشريط بالنشاء ونطويه إلى 2 ثم نرش سطحه بالنشاء ونتركه جانبا ثم نكمل مع باقي الكريات بنفس الطريقة.

نقص الشريط الكلي إلى 3 أجزاء . نأخد الجزء الأول ونحله بالحلال ثم نقصه مستطيلات (16/8سم) كل مستطيل نعمل فية بالجرارة 24 خط.

نحسب 4 خطوط ونلف العجينة وهكذا حتى نكمل، ثم نفتح في الوسط ، ندخل الرأس ونقلب.

نسخن الزيت ثم نخفض الحرارة ونقلي حبات قريوش.

عندما يبرد نعسله في عسل ساخن ونزينه بالجلجلانية.
                                                                   بالصحة والعافية.