طريقة مضمونة لتحضير الدونات في البيت

                                       أنجع طريقة لتحضير الدونات

                       تحية معطرة بالحب والإحترام لكل الأحبة الكرام
إلى كل عشاق الدونات (وأنا واحدة منكم) جبتلكم أحسن طريقة لتحضيره في البيت صدقوني يالحباب راه يسخف ، يهبل ، يجنن ، ... ، سميوه كيما تحبوا.
المقادير:
3 أكواب فرينة.
ملعقتين كبيرتين سكر.
ملعقة كبيرة خميرة فورية.
نصف ملعقة صغيرة خميرة كميائية.
ملح.
3 ملاعق كبيرة مرغرين ذائبة وباردة.
حبتين بيض.
حليب دافئ .
علبتين شكلاطة بالحليب.
طريقة التحضير:
نخلط جميع المواد الجافة مع بعض ثم نضيف البيض و نخلط ثم المرغرين ونحك الكل جيدا حتى يتجانس الخليط ونلم بالحليب الدافئ حتى نتحصل على عجينة طرية ( مثل عجينة البيتزا) نعجنها قليلا ونرشها بقليل من الفرينة ، نضعها في وعاء كبير نغطيه ببلاستيك غذائي ونتركها حتى يتضاعف حجمها.
فوق سطح مرشوش يالفرينة نحل العجينة بالحلال ثم نطبع قطع الدونات.

نضعها فوق سطح مرشوش بالفرينة ، نغطيها بالبلاستيك ونتركها تخمار مليييح.
نسخن الزيت ونقلي الدونات فوق نار متوسطة (نهزها برفق وعند وضعها في الزيت نصبه بالملعقه فوقها حتى ماتجيناش معجنة).

نذوب قطع الشكلاطة مع ملعقة صغيرة مرغرين وقليل من الحليب ثم نغمس سطح الدونات فيه ، نضعه فوق الشبك ونترك الشكلاطة تجمد.
                                                                     بالصحة والعافية.