جبتلكم حلوى إقتصادية بالجلجلانية والليمون تهبلكم ببنتها

                                              قاطو بالجلجلانية والليمون

المميز في هذا القاطو أنه إقتصادي بصح بنته لاتقاوم خاصة رائحة القارص ممزوجة بالجلجلانية يايمة تهبل جربوه وتمتعوا .

المقادير:
500 غ مرغرين.
250 غ سكر ناعم.
كيس خميرة كميائية .
حبتين ليمون.
150 غ جلجلانية.
مربى المشمش .
ملون غذائي أحمر.
جلجلانية للتزيين.
طريقة التحضير:
نذوب المرغرين ونتركها تبرد ثم نضيف لها عصيرومبشور حبة ليمون ، ثم السكر ، الخميرة ، الجلجلانية( أنا حبيت نخليها كما هي كما يمكنكم رحيها) ونشف بالفرينة حتى نحصل على عجينة سهلة الإستعمال ، نلفها في كيس بلاستيكي غذائي.
فوق سطح نسبط العجينة رقيقة نوع ما ثم نطبع بالطابع بأي شكل تفضلونه.
نأخد صينية الفرن ونضع فوقها ورق الطهي ثم نضع حبات القاطو ونطيبهم.
في صحن نضع المربي ونخففه بقليل من عصير الليمون ونضيف الملون الأحمر ونخلط جيدا ثم نلصق به حبات القاطو ونزين بحبات الجلجلانية.
                                                       بالصحة والعافية.