صابلي بكريمة الزبدة ذوق هبال

                                      صابلي بكريمة الزبدة يايمة على البنة

                         تحية معطرة بالحب والإحترام لكل الأحبة الكرام
هذا الصابلي درتو لزوجة أخي كي جابت مولودها الأول بصح كلاوه زوجي وأولادي ماعلي غير عاودتو ، وحتى ضيوفها عجبهم بزاف وطلبو الوصفة .
                              من الأخير جربوه ماتندموش عليه.

المقادير:
500غ مرغرين.
كأس سكر ناعم .
حبتين بيض.
كيس خميرة كميائية.
ملعقة صغيرة فنيليا.
كأس نشاء.
فرينة.
لتحضير كريمة الزبدة نحتاج إلى:
مرغرين ستار 200غ.
3 ملاعق كبيرة سكر ناعم.
3ملاعق كبيرة عسل .
3 ملاعق كبيرة حلوة الترك.
ملون غذائي أحمر.
طريقة التحضير:
في خلاط كهربائي نخلط المرغرين مع السكر ثم نضيف البيض ، الفاني ، الخميرة ، النشاء ونشف بالفرينة حتى نتحصل على عجينة سهلة الإستعمال ، نلفها في بلاستيك غذائي ونضعها في الثلاجة ترتاح قليلا.

فوق سطح نسبط العجينة رقيقة نوعا ما ونطبع بالطابع الذي تفضلونه أنا إخترت طابع على شكل ريشة.

نقص ورق الطهي بحجم الصينية ونضع فوقه حبات الصابلي ثم ندخلها فرن ساخن.
بعدما نكمل طياب الطابلي نتركه يبرد ونحضر كريمة الزبدة.
في خلاط كهربائي نخلط كل المقادير ثم نضيف الملون الأحمر ونخلط ليصبح لون الكريمة هكذا.

نلصق كل حبتين مع بعض بواسطة طبقة من الكريمة.

                                                          بالصحة والعافية.